ԱՊԼ գլխավոր քարտուղար Նաբիլ Ալ-Արաբին և արաբական մի շարք պետությունների արտգործնախարարներ այսօր կայցելեն Գազայի հատված: Այս մասին ասվում է Պաղեստինի ազգային վարչակազմի հայտարարությունում՝ հաղորդում է «Սինհուա» գործակալությունը:
Պաղեստինի ազգային վարչակազմի բարձրաստիճան պաշտոնյա Սաիվ Էրիկատը հայտնել է, որ Ալ-Արաբին, ինչպես նաև մի շարք նախարարներ, մտադիր են այցելել «ՀԱՄԱՍ»-ի կողմից վերահսկվող տարածք՝ հավանաբար Պաղեստինի առաջնորդ Մահմուդ Աբասի կոչին ի պատասխան:
Ալ-Արաբիի այցը հաջորդում է Եգիպտոսի և Թունիսի արտգործնախարարների այցին: Վերջիններս Գազայի հատվածում էին՝ պաղեստինցի առաջնորդին համերաշխություն հայտնելու համար:
Պատվիրակությունը կուսումնասիրի Իսրայելի կողմից իրականացված ավելի քան 600 ավիահարվածների հետևանքով Գազայի հատվածի կրած վնասները:
Նշենք, որ չորեքշաբթի օրվանից շուրջ 40 պաղեստինցիներ են զոհվել, մի քանի հարյուրը վիրավորվել:
