Հարավային Չինաստանի ափերին մոտեցող այս տարի արդեն 7-րդ արևադարձային Hagibis փոթորկի սպառնալիքի պատճառով պոտենցիալ վտանգավոր գոտուց տարհանվել է 28 հազար մարդ: Հետաձգվել են նաև բոլոր նավահանգստային աշխատանքները, ինչպես նաև ելքը դեպի ծով: Այս մասին գրում է ITAR-TASS-ը՝ վկայակոչելով Չինաստանի տարերային աղետների դեմ պայքարի վարչությանը:
Տարերքի հնարավոր հարվածի գոտում են գտնվում Ֆուցզյան և Գուանդուն գավառները: Նախատեսվում է, որ ցամաքից դեռևս 100 կմ հեռավորության վրա գտնվող Hagibis-ը առափնյա գծին կհայտնվի կիրակի լույս երկուշաբթի գիշերը:
Օդերևութաբանները պնդում են, որ փոթորկի էպիկենտրոնում քամու ուժգնությունը կկազմի վայրկյանում 22-24 մետր:
