Նոյեմբերի 13-ին, ժամը 19.00-ին, ոստիկանության Ջրվեժի բաժանմունքի ծառայողները, գողություն կատարելու կասկածանքով, բերման են ենթարկել 1980 թ. ծնված Ռոբերտ Խ.-ին:
Պարզվել է, որ նա նոյեմբերի 12-ին, ժամը 23.00-ի սահմաններում, տեխնիկական միջոցների գործադրմամբ մուտքի դռան փականը բացելով՝ 1962 թ. ծնված Սուսաննա Դ.-ի բնակարանից գողացել է 2 սրբապատկեր և տարբեր տեսակի կենցաղային իրեր` պատճառելով 150.000 դրամի նյութական վնաս:
Ոստիկանությունից «Առաջին լրատվական»-ին հայտնում են, որ գողոնն առգրավված է:
Կատարվում է նախաքննություն:
