«Մանչեսթեր Յունայթեդ»-ի հարձակվող Ռոբին վան Պերսին հայտնել է, որ վերջին 5-6 տարիների ընթացքում խաղադաշտ է դուրս գալիս` ցավեր զգալով: Ներկայումս ֆուտբոլիստը վերականգնվում է վնասվածքից, որը մայիսի 21-ին ստացել է Հոլանդիայի հավաքականի մարզման ժամանակ:
«Չեմ կարող վերջին 5-6 տարիներին անցկացրած մի խաղ մտաբերել, որում ցավեր չեմ ունեցել: Այս վնասվածքն անգամ կարելի է թեթև համարել: Բազմաթիվ նման վնասվածքներ եմ ստացել: Այժմ դա ինձ չի անհանգստացնում: Ես լիովին պատրաստ եմ մասնակցելու «Մունդիալ-2014»-ի շրջանակներում կայանալիք Իսպանիայի ընտրանու դեմ խաղին»,- Sky Sports-ը մեջբերում է վան Պերսիի խոսքերը:
Հիշեցնենք` «Մունդիալ-2014»-ի խմբային փուլում Հոլանդիայի հավաքականը մրցակցելու է Իսպանիայի, Չիլիի և Ավստրալիայի ընտրանիների դեմ:
