2013-ին Մեծ Բրիտանիա այցելած զբոսաշրջիկները ծախսել են ռեկորդային՝ 21 մլրդ ֆունտ (35.2 մլրդ դոլար): Այս մասին գրում է ITAR-TASS-ը՝ հղում անելով Մեծ Բրիտանիայի զբոսաշրջության վարչության զեկույցին:
Բրիտանական քաղաքների շարքում ժողովրդականությամբ շարունակում է առաջատարը մնալ Լոնդոնը: 2013-ին զբոսաշրջիկները մայրաքաղաք են այցելել 16.7 մլն անգամ՝ 8.6 տոկոսով ավելի 2012-ի համեմատ: Մեծ Բրիտանիայում այցելությունների առումով երկրորդ քաղաքը Էդինբուրգն է՝ տարեկան 1.3 մլն այցելություն: Իսկ լավագույնների եռյակը եզրափակում է Մանչեսթերը՝ 1 մլն այցելություն:
