Բելառուսի նախագահ Ալեքսանդր Լուկաշենկոն հայտարարել է, թե Մինսկը համագործակցելու է Ուկրաինայի նախագահ Պյոտր Պորոշենկոյի հետ, հաղորդում է RIA Novosti–ն։
«Ուկրաինայում ընտրվել է նոր նախագահ։ Ես կարծում եմ՝ մենք կհամագործակցենք նոր նախագահի, նոր իշխանության հետ, որովհետև այնտեղ ապրում է մեր ժողովուրդը»,- ասել է Լուկաշենկոն՝ հինգշաբթի Մինսկում հանդիպելով ՌԴ Դաշնային խորհրդի նախագահ Վալենտինա Մատվիենկոյի հետ։
Բելառուսի առաջնորդի խոսքերով՝ այնտեղ ապրում են նույնպիսի մարդիկ, ինչպես բելառուսներն ու ռուսները՝ «բարի, աշխատասեր». «Բայց ահա ընկել են այդպիսի իրավիճակի մեջ։ Իհարկե, մենք կարող ենք հրաժարվել նրանցից, բայց մարդիկ ավելի կտուժեն»։
Ավելի վաղ Բելառուսի նախագահը շնորհավորել էր Պորոշենկոյին նախագահի պաշտոնում ընտրվելու կապակցությամբ, ցանկացել նրան հաջողություններ միասնական ու բարգավաճ Ուկրաինայի ամրապնդման գործում։
