Грузия Online-ի փոխանցմամբ՝ Վրաստանում Հանրային հեռարձակողի ֆինանսավորումը կրճատվել է 17.8 միլիոն լարիով (մոտ 10.5 միլիոն դոլար): Այս մասին խորհրդարանի կրթական ու գիտական հանձնաժողովի նիստում հայտարարել է ֆինանսների փոխնախարար Դավիթ Էբրալիձեն:
Վերջինս ֆինանսավորման կրճատումը բացատրել է Հանրային հեռարձակողի ֆինանսավորման գործող սկզբունքով, որը կապված է երկրի համախառը ներքին արդյունքի (ՀՆԱ) հետ: Նա հիշեցրել է, որ «Հանրային հեռարձակողի մասին» օրենքով նախատեսված է, որ նրա ֆինանսավորումը պետք է կազմի նախորդ տարվա ՀՆԱ-ի 0.12 տոկոսից ոչ պակաս:
2012 թվականին Վրաստանի Հանրային հեռարձակողի բյուջեն կազմել է 49.6 միլիոն լարի (մոտ 30 միլիոն դոլար): 2013 թվականի պետբյուջեի նախագծով Հանրային հեռարձակողի բյուջեն կազմում է 31.1 միլիոն լարի (մոտ 18.5 միլիոն դոլար):