ԱՄՆ Այդահո նահանգի Հեյլի քաղաքի իշխանությունները որոշել են չնշել իրենց համաքաղաքացու՝ ամերիկյան բանակի սերժանտ Բոու Բերգդալի վերադարձը: Վերջինս 5 տարի գերեվարված էր աֆղանական թալիբների մոտ: Այս մասին գրում է BBC-ն:
Ավելի վաղ ծրագրված հանդիսությունները չեղյալ են հայտարարվել այն պատճառով, որ չափազանց մեծ է դրանց մասնակցել ցանկացողների թիվը: Պաշտոնյաները կարծում են, որ քաղաքը չէր դիմանա մարդկանց նման հոսքին:
Բացի այդ, Բերգդալի որոշ նախկին ծառայակիցներ հայտնել են, որ սերժանտը լքել է նրանց Աֆղանստանում ծառայության ընթացքում, իսկ մյուս զինվորները զոհվել են նրան փրկել փորձելիս:
