Հոլիվուդյան դերասանուհի Գվինեթ Փելթրոուն հայտնվել է սկանդալի կենտրոնում այն պատճառով, որ պատերազմը համեմատել է ինտերնետ-թրոլինգի հետ, գրում է Lady.ru-ն:
Սկզբում նրան հրապարակավ ամոթանք է տվել ԱՄՆ նախագահի նախկին թեկնածու Ջոն Մաքքեյնի կինը՝ Սինդին, իսկ այժմ իր զայրութն է արտահայտել ԱՄՆ հատուկ նշանակության ուժերի սերժանտ Բրայան Սայքսը, որը դերասանուհուն քննադատել է այն բանի համար, որ վերջինս պատերազմը համեմատել է ինտերնետ-թրոլինգի հետ: Իր խոսքը զինվորականը հրապարակել է Clash Daily կայքում:
«Թույլ տվեք ինձ լինել առաջինը, ով կփշրի ձեր երևակայությունը. Starbucks-ում երկար հերթերը, երեք րոպեով ձեր վարորդի ուշացումը, 1200 դոլարանոց ձեր կոշիկի վրայի թերությունը զինվորականների համար որպես բարդություններ չեն ընկալվում»,- գրել է սերժանտը:
«Ես տեսնում եմ, որ դուք և ուրիշ աստղեր կարծես շոու-բիզնեսում ինքնավստահ եք, սակայն բարոյապես այնքան թույլ եք, որ Twitter-ում ձեր բարդ հարաբերությունները համեմատում եք իմ ընկերների հետ, ովքեր կորցրել են իրենց վերջույթները, նրանց հետ, ովքեր իրականում տեսել են, թե ինչպես են սպանում, պայթեցնում, վառում և անդամահատում իրենց ընկերներին»,- ավելացրել է բարկացած Բրայանը:
Նշենք, որ դերասանուհու խոսքերը քննադատել են սոցցանցերի բազմաթիվ օգտատերեր՝ նրա համեմատությունը առնվազն անտեղի անվանելով:
