ՄԱԿ-ի գլխավոր քարտուղար Պան Գի Մունը ողջունել է Պաղեստինում ազգային միաբանության կառավարման ձևավորումը` ՖԱԹՀ և ՀԱՄԱՍ շարժումների մասնակցությամբ: Այս մասին գրում է ITAR-TASS-ը:
«Միացյալ ազգերի կազմակերպությունը պատրաստ է լիարժեք աջակցություն ցուցաբերել նոր ձևավորված կառավարությանը` Հորդանան գետի արևմտյան ափերը և Գազայի հատվածը օրինական պաղեստինյան ղեկավարության ներքո միացնելու նրա ջանքերին»,- ընդգծված է հաղորդագրությունում:
Գլխավոր քարտուղարը նշել է, որ Պաղեստին պետության նախագահից ինքը վստահություն է ստացել այն բանում, որ նոր կառավարությունն իր վրա կվերցնի այն պարտականությունները, որոնց հակված էր Պաղեստինի ազատագրման կազմակերպությունը:
Իր հերթին, ԵՄ դիվանագիտության ղեկավար Քեթրին Էշթոնը «ազգային համաձայնության» կառավարությանը ստեղծումը համարում է կարևոր քայլ` պաղեստինյան կարգավորման գործընթացում:
«Մենք ողջունում ենք անկախ գործիչներից կառավարության կազմի նշանակումը, ինչպես նաև ղեկավար Աբասի այն հայտարարությունը, որ նոր պետությունը հակված է երկու պետությունների խաղաղ համակեցությանը` 1967-ի սահմանների հիման վրա»,- ասվում է հաղորդագրությունում:
