Մայիսի 25-ին նախագահական արտահերթ ընտրություններում հաղթած Պյոտր Պորոշենկոն և Եվրոպական խորհրդի նախագահ Հերման վան Ռոմպեյը կքննարկեն Կիևի հետ ԵՄ Ասոցացման համաձայնագրի տնտեսական մասի ստորագրումը: Նրանց հանդիպումը տեղի կունենա հունիսի 6-ին Ֆրանսիայում: Այս մասին գրում է ITAR-TASS-ը` վկայակոչելով Պորոշենկոյի մամլո ծառայությանը:
Հեռախոսազրույցի ընթացքում կողմերը քննարկել են Ուկրաինայի և Եվրամիության հարաբերությունների նախադրյալները: Մասնավորապես` Պորոշենկոն նշել է, որ Ուկրաինան պատրաստ է ստորագրել Ասոցացման համաձայնագիրը «ցանկացած ժամանակ և հնարավորինս արագ», երբ եվրոպական կողմն իրականացնի անհրաժեշտ տեխնիկական և իրավական նախապատրաստությունը:
