ԱՄՆ նախագահ Բարաք Օբաման հայտարարել է, որ Քաթարի իշխանությունները Վաշինգտոնին երաշխիքներ են տվել, որ կձեռնարկեն անվտանգության ապահովման անհրաժեշտ միջոցառումները՝ Գուանտանամոյի կալանավորներին Դոհա փոխանցելուց հետո: Այս մասին գրում է France Press-ը:
«Քաթարի կառավարությունը վստահեցրել է մեզ, որ մեր անվտանգությունը պաշտպանող միջոցառումներ կձեռնարկի»,- ասել է Օբաման՝ հանդես գալով հատուկ հայտարարությամբ՝ կապված թալիբներից ամերիկացի զինծառայող Բոուի Բերգդալի ազատ արձակման հետ:
Հիշեցնենք, որ շաբաթ օրն ազատ է արձակվել թալիբների մոտ գերի ընկած ամերիկացի սերժանտ Բոուի Բերգդալը: Հենց այդ նույն օրն էլ Պենտագոնը հայտարարել է Գունատանամոյի հատուկ բանտից 5 կալանավորների Քաթարի իշխանություններին հանձնելու մասին:
