Երևանի ավագանու ԲՀԿ խմբակցությունը այս պահին չի փոխել դրական դիքորոշումը Երևանում Անաստաս Միկոյանի արձանի տեղադրման առթիվ: Հիշեցնենք, որ ԲՀԿ-ն ու ՀՀԿ-ն ավագանու ապրիլի 30-ի նիստում կողմ են քվեարկել արձանի տեղադրման մասին որոշմանը:
Ինչպես հայտնի է՝ ավագանու այսօրվա նիստից հետո «Ժառանգություն» խմբակցությունը հայտարարեց, որ շրջանառության մեջ է դնում որոշման նախագիծ՝ Անաստաս Միկոյանի արձանի տեղադրան մասին ավագանու որոշումը չեղյալ հայտարարելու մասին: ԲՀԿ խմբակցության ղեկավար Թամար Պողոսյանը «Առաջին լրատվական»-ի հետ զրույցում ասաց, որ իրենք դեռ չեն տեսել «Ժառանգության» նախագիծը, և այն կքննարկեն ստանալուն պես: «Ես ոչ մի իրավական հիմք չունեմ այս պահին դիրքորոշում արտահայտելու, բայց մնում եմ լավատես, որ կառավարությունը դիրքորոշում կարտահայտի»,- ասաց ԲՀԿ ներկայացուցիչը:
Մեր հարցին, թե ինչպե՞ս է, որ ԲՀԿ-ն, որը ընդդիմադիր քառյակի անդամ է և համագործակցում է ընդդիմության հետ, այս հարցում ավելի սերտ պաշտպանում է ՀՀԿ-ի որոշումները, ԲՀԿ խմբակցության ղեկավարը պատասխանեց. «Մենք ոչ մեկին չենք պաշտպանում: Որպես հանձնաժողովի նախագահ՝ իմ գործառույթների շրջանակում եղել է իրավական փաստաթղթերի փաթեթ: Եթե այդ փաստաթուղթը տեսնեիք, դուք ևս չէիք կարող այդ փաստաթղթին բացասական գնահատական տալ՝ այնպիսի հերոսապատման գործունեություն էր ներկայացված: Մենք դիրքրոշում ենք արտահայտել այն փաթեթի վերաբերյալ, որը մեզ տրվել է: Կլինի նոր փաթեթ, բնականաբար կքննարկենք, կարտահայտենք դիրքրոշումը»:
Դիտեք մեր զրույցը Երևանի ավագանու ԲՀԿ խմբակցության ղեկավար Թամար Պողոսյանի հետ: