Ուկրաինայի վարչապետի պաշտոնակատար Արսենի Յացենյուկը հայտարարել է, որ ուրբաթ օրը Կիևը «Գազպրոմ»-ին 786 մլն դոլար է փոխանցել` նման կերպ մարելով մատակարարումների անվիճելի պարտքը: Այս մասին գրում է Ria Novosti-ն:
«Մենք փակել ենք բոլոր հաշիվները, որոնք անվիճելի են ռուսական «Գազպրոմ»-ի հետ մեր հարաբերություններում: Դա բացառապես այն գինն է, որի ժամանակ հազար խորանարդ մետրի համար 268 դոլար էր որոշված: Նման անվիճելի հաշիվները 768 մլն դոլար են կազմում»,- հայտարարել է Ուկրաինայի վարչապետը:
«Նավթոգազ»-ի մամլո ծառայությունն էլ իր հերթին հստակեցրել է, որ «Գազպրոմ»-ին փոխանցված 786.3 մլն դոլարը վճարված է 2014-ի փետրվար-մարտ ամիսներին մատակարարված գազի դիմաց` հազար խորանարդ մետրի համար 268.5 դոլար գնով: