Ըստ Empire ամսագրի հարցման՝ կինոյի ամբողջ պատմության լավագույն ֆիլմը Իրվին Քերշների «Աստղային պատերազմներ. Տեսարան V. Կայսրությունը պատասխան հարված է հասցնում» գործն է, որը ստեղծվել է Ջորջ Լուկասի սցենարով (1980):
«Բոլոր ժամանակների 301 մեծագույն ֆիլմերի» ցուցակը կազմելու համար հարցվել է 250 000 մարդ: Երկրորդ տեղը զբաղեցրել է Ֆրենսիս Ֆորդ Կոպոլայի «Կնքահայրը», երրորդը՝ Քրիստոֆեր Նոլանի «Բեթմեն. խավարի ասպետը»:
«Հինգերորդ մասն այսքան շատ դուր է գալիս մարդկանց, որովհետև այն այդքան մռայլ է: Ահա, սա սովորական պատմություն է, իսկ ահա երկրորդ ակտում ամեն ինչ շատ է վատանում»,- հարցման արդյունքները մեկնաբանում է Լուկասը:
Հիմա ռեժիսոր Ջեյ Ջեյ Աբրամսը նկարահանում է կինոշարքի 7-րդ մասը:
