«Մանչեսթեր Յունայթեդ»-ի դարպասապահ Դավիդ դե Խեան նշել է, որ Իսպանիայի հավաքականում իր թիմակից, կատալոնական «Բարսելոնա»-ի կիսապաշտպան Սեսկ Ֆաբրեգասին հրավիրել է անգլիական ակումբ:
«Ֆաբրեգասը բարձր մակարդակի ֆուտբոլիստ է: Կան շատ ակումբներ, որոնք ամռանը ցանկանում են ձեռք բերել նրա տրանսֆերը: Ես նրան խնդրել եմ տեղափոխվել «Մանչեսթեր Յունայթեդ», բայց դա դժվար կլինի»,- Դե Խեայի խոսքերը մեջբերում է Daily Mirror-ը:
Հիշեցնենք, որ «Մանչեսթեր Յունայթեդ»-ն իսպանացի ֆուտբոլիստի տրանսֆերը գնելու փորձ է կատարել նախորդ ձմռանը, սակայն կատալոնական ակումբը մերժողական պատասխան է տվել:
Ֆաբրեգասն Իսպանիայի ավարտված առաջնությունում մասնակցել է 36 հանդիպման` դառնալով 8 գոլի և 19 գոլային փոխանցման հեղինակ:
