Վրացական «Ռեզոնանսի» թերթի փոխանցմամբ`Վրաստանի գլխավոր դատախազությունը կարող է քրեական գործ հարուցել նախկին վարչապետ Վանո Մերաբիշվիլիի ու Թբիլիսիի քաղաքապետ Գեորգի Ուգուլավայի նկատմամբ:
Թերթի տվյալներով` Վրաստանի ֆինանսների նախարար Նոդար Խադուրին դիմելու է Գլխավոր դատախազություն` կապված մի շարք ակտերի հետ, որոնք հրապարակվել են հոկտեմբերի 1-ի խորհրդարանական ընտրություններում «Վրացական երազանք» դաշինքի հաղթանակից մինչև հոկտեմբերի 25-ին նրա նախարարների կաբինետի հաստատման ժամանակահատվածում:
Խոսքը, մասնավորապես, վերաբերում է քաղաքապետարանից կառավարությանը սոցիալական ծրագրերի հատկացման մասին, որոնք առնչվում են գրեթե 600,000 թբիլիսցիների: Թերթն ընդգծում է, որ «Վրացական երազանքում» կարծում են, թե դա հանդիսացել է մայրաքաղաքային իշխանությունների վրեժը թբիլիսցիներից` ներկայիս վարչապետ Բիձինա Իվանիշվիլիի թիմին աջակցելու համար:
Նոդար Խուդարին վստահեցնում է, որ Մերաբիշվիլին ու Ուգուլավան որևէ իրավունք չունեին այդպիսի գործողություններ կիրառելու համար:
