Ուկրաինայի նորընտիր նախագահ Պյոտր Պորոշենկոն կարծում է, որ չի կարելի հապաղել Ուկրաինայի և Եվրամիության միջև Ասոցացման համաձայնագրի տնտեսական մասի ստորագրման հետ կապված: Այս մասին գրում է ՈՒՆԻԱՆ-ը` վկայակոչելով քաղաքական գործչի մամլո ծառայությանը:
Մասնավորապես նշվում է, որ, Պորոշենկոյի կարծիքով, համաձայնագիրը կարող էր ստորագրվել Ուկրաինայի նոր նախագահի երդմնակալության արարողությունից անմիջապես հետո:
«Համաձայնագրի ստորագրումը, որն ըստ էության, Ուկրաինայի մոդեռնիզացման ծրագրի մի մասն է կազմում, և դրա կիրառումը հնարավորություն կտար հակակոռուպցիոն միջոցառումներ և սեղմ ժամկետներում բարեփոխումների փաթեթ իրականացնել: Ուկրաինայի ժողովուրդը, ով աջակցել է Ուկրաինայի նախագահի պաշտոնում թեկնածու Պյոտր Պորոշենկոյի եվրոպամետ ծրագրին, չի կարող սպասել, ուստի, իշխանություններն այսօր առավելագույնս ակտիվ պետք է լինեն»,- ասվել է հաղորդագրությունում:
