Ավտոմեքենաների տերերը, որոնք ապրում են Շոտլանդիայի հյուսիսում գտնվող Օրքնեյան կղզիներում, վերջերս ստիպված են պարբերաբար նայել իրենց ավտոմեքենայի կապոտի տակ: Տարածաշրջանում հաճախացել են կապոտի տակ բույն դնող թռչունների պատճառով ավտոմեքենաների այրվելու դեպքերը, հայտնում է BBC-ն:
Վերջին մի քանի շաբաթում Օրքնեյան կղզիներում 3 այդպիսի դեպք է գրանցվել: Վերջին այրված մեքենայի տերը պատմել է, որ սկզբում կապոտի տակից ծուխ է բարձրացել, հետո կրակ բռնկվել:
Երկրի մեկ այլ բնակիչ՝ Ջոնաթան Պորտերֆիլդը, իր էլեկտրամոբիլում թռչունների բույն է գտել: Նա որոշել է մեքենան չօգտագործել, մինչև թռչնի ձագերը մեծանան, պատրաստ լինեն ինքնուրույն կյանքի, իսկ մինչ այդ Պորտերֆիլդն ուրիշ մեքենայով կշրջի:
