Ռուսաստանի, Հնդկաստանի և Չինաստանի հակաամերիկյան դաշինքը սպառնում է մոլորակի խաղաղությանը, գրում է The Times-ը: Այդպիսի միությունը հոդվածի հեղինակն անվանել է RIC՝ «անդամ-երկրների» անունների առաջին տառերով:
«Սա «չարի առանցք» չէ, ոչ էլ ռազմական միություն, բայց այդ նոր ակումբը նպատակաուղղված է ԱՄՆ-ի հեգեմոնիան խաթարելուն»,- գրում է հեղինակը:
Իր հերթին, The New York Times-ը կարծիք է հայտնում, որ Ռուսաստանի նախագահ Վլադիմիր Պուտինը ճիշտ չի գնահատել իրավիճակն Ուկրաինայում: Հոդվածի հեղինակը կարծում է, որ Պուտինը կարծել է, որ աշխարհը նախկինի պես ձևավորվում է «ազդեցության ոլորտների» օգնությամբ, որոնք «վերևից ներքև» են թելադրվում, մինչդեռ Ուկրաինայի դեպում Մայդանի ակտիվիստները կազմակերպված են եղել «ներքևից վերև»:
Հոդվածի հեղինակը նաև համարում է, որ Պուտինը ըստ արժանվույն չի գնահատել ուկրաինական հայրենասիրությունը, քանի որ նույնիսկ ռուսախոս շատ քաղաքացիներ Ուկրաինայի արևելքում չեն ուզում միանալ Ռուսաստանին: Ի վերջո, ՌԴ նախագահն ինչպես հարկն է չէր գնահատել արևմտյան պատժամիջոցների հետևանքերը, ասվում է հոդվածում:
