ԵԱՀԿ Մինսկի խմբի ստեղծումից անցել է 22 տարի, մինչդեռ նրա գործունեության ընթացքում, ցավոք, որևէ կարևոր իրադարձություն տեղի չի ունեցել: Այս մասին ադրբեջանական Trend գործակալությանը տված հարցազրույցում ասել է Թուրքիայի նախկին արտգործնախարար Հիքմեթ Չեթինը:
Նրա խոսքով ամեն ինչ մնացել է առանց փոփոխության: Միակ ուրախացնող բանն այն է, որ հայտարարված կրակի դադարեցման ռեժիմը որոշ առումով դադարեցրեց արյունահեղությունը: Սակայն դա չի նշանակում, որ հարցն ամբողջության լուծված է:
«Ուստի անհրաժեշտ է կենդանացնել գործընթացը, որևէ քայլ ձեռնարկել: Դա կարելի է անել ինչպես ԵԱՀԿ Մինսկի խմբի շրջանակում, այնպես էլ դրանից դուրս: Կարող եմ խորհուրդ տալ, որպեսզի Ադրբեջանը, Թուրքիան, ԱՄՆ-ը, Ռուսասատնը և Եվրամիությունը հավաքվեն և համատեղ քայլեր ձեռնարկեն Լեռնային Ղարաբաղի խնդիրը լուծելու համար: Մինսկի խումբը ակտիվացնել այդ ուղղությամբ»,- ասել է Չեթինը:
