Գերմանիայի ֆինանսների նախարար Վոլֆգանգ Շոյբլեն Մարին Լե Պենի «Ազգային ճակատն» անվանել է ֆաշիստական կուսակցություն:
«Ոչ միայն մեր ֆրանսիացի գործընկերները, մենք նույնպես պետք է մտածենք, թե մեր ո՞ր սխալներն են հանգեցրել նրան, որ ֆրանսիացի ընտրողների մեկ քառորդը քվեարկել են ֆաշիստական կուսակցության օգտին»,- հայտարարել է Շոյբլեն, որի խոսքերը մեջբերում է Deutsche Welle-ն:
«Մենք բոլորս պետք է մտածենք այն մասին, որ պետք է անենք ավելի լավ»,- հավելել է Շոյբլեն:
Պահպանողական «Ազգային ճակատ» կուսակցության ղեկավար Մարին Լե Պենը Եվրախորհրդարանում ընտրություններից հետո դարձել է Ֆրանսիայում թիվ մեկ քաղաքական գործիչը:
Այդ ընտրություններն արդեն անվանում են պատմական, ընդ որում՝ ինչպես միասնական Եվրոպայի պատմության, այնպես էլ առանձին եվրոպական երկրների համար: