Բրիտանացի սոցիոլոգների վերջին հետազոտությունները ցույց են տվել, որ Մեծ Բրիտանիայում զգալիորեն աճել են ռասիզմն և իսլամաֆոբիան: Ընդ որում՝ ռասիստների մեծ մասն ապրում է երկրի մեգապոլիսներից հեռու հատվածներում՝ գրում է The Guardian-ը:
Միացյալ Թագավորության Անկախության կուսակցության ձեռք բերած մեծ ճանաչումը (կուսակցությունը հարում է պահպանողական, ինչպես նաև հակաէմիգրանտական հայացքների և պահանջում է դուրս գալ ԵՄ կազմից) ակնհայտ վկայությունն է այն բանի, որ անհանդուրժող բրիտանացիների թիվն աճում է՝ եզրակացնում են Սոցիոլոգիական հետազոտությունների բրիտանական կենտրոնի (British Attitudes Survey) փորձագետները:
Կենտրոնի տվյալներով՝ հակաիսլամական և ռասիստական տրամադրությունների պոռթկում արձանագրվել է 2001 թվականին՝ կապված Նյու Յորքում ահաբեկչության և Աֆղանստան կոալիցիոն զորքերի ներխուժման հետ, բայց 2011 թվականին Լոնդոնում Օլիմպիադայի շնորհիվ այն կրճատվեց 12%-ով: Բայց հետո օտարերկրացիներին և մաշկի այլ գույն ունեցող մարդկանց նկատմամբ ատելություն տածող բրիտանացիների թիվը նորից սկսեց աճել: Այդ ատելությունը մեծապես ուղղված էր նաև Արևելյան Եվրոպայից ներգաղթածների դեմ:
Հատկանշական է, որ Բրիտանիայում ամենատոլերանտը Լոնդոնն է՝ ասում են փորձագետները. այնտեղ ամենից շատ են ապրում օտարերկրացիներ և ոչ եվրոպական ռասաների ներկայացուցիչներ:
