ԵՄ-ն ոչ մի գործնական որոշում չի ընդունել Ռուսաստանի դեմ պատժամիջոցների հարցում: Այս մասին ասվում է Ուկրաինայի հարցով ԵՄ ոչ պաշտոնական գագաթնաժողովի ամփոփիչ հայտարարության մեջ՝ գրում է ITAR-TASS-ը:
«Մենք պայմանավորվել ենք շարունակել հետագա հնարավոր քայլերի (Ռուսաստանի դեմ) նախապատրաստումը, եթե պահանջեն հանգամանքները»,- ասվում է փաստաթղթում:
Հայտարարության մեջ ընդգծվում է նաև, որ ԵՄ առաջնորդները «ողջունել են Եվրահանձնաժողովի և Եվրամիության արտաքին քաղաքական ծառայության՝ շարունակական նախապատրաստական աշխատանքները Ռուսաստանի նկատմամբ հնարավոր թիրախային միջոցառումների վերաբերյալ»:
