Իտալական Մադենա քաղաքում բուժման ընթացքում արգելված փորձեր կատարելու համար ինը բժիշկ-սրտաբաններ են ձերբակալվել:
«Այս գործով հետաքննությունը սկսվել է մոտ մեկ տարի առաջ, այն բանից հետո, երբ հիվանդներն ահազանգել էին՝ հիվանդանոցին կից պոլիկլինիկայում մի շարք կասկածելի մահվան դեպքերի մասին»,- տեղեկացրել են իրավապահ մարմինների ներկայացուցիչները:
Ձերբակալվածները մեղադրվել են նաև կաշառակերության, հանցավոր խմբերի հետ կապերի, հափշտակման և պետական առողջապահության համակարգում խաբեության մեջ: Նրանցից մեկը բանտ է տեղափոխվել, մնացածը տնային կալանքի տակ են:
Թե ինչքան մարդ է մահացել այդ փորձերի հետևանքով, առայժմ հայտնի չէ։