«Ռոսնեֆտ»-ի նախագահ Իգոր Սեչինը Forbes ամսագրի ռուսական տարբերակի հրատարակիչների ու լրագրողների, ինչպես նաև «Կոմսոմոլսկայա պրավդա» թերթի դեմ ներկայացրել է հայց՝ պատվի և գործնական համբավի պաշտպանության մասին: Սեչինը հրատարակությունից պահանջում է հանել նյութերն այն մասին, որ ինքը, իբր, «Ռուսաստանի ամենաթանկ թոփ-մենեջերն է»՝ հայտնում է «Իզվեստիա» թերթը:
Թերթի տվյալներով՝ որպես ամբաստանյալ հանդես են գալիս Forbes-ի 4 լրագրող և 2 իրավաբանական անձ՝ «Ակսել Շպինգեր Ռաշա» ամսագրի և «Կոմսոմոլսկայա պրավդա» թերթի հրատարակիչները:
Սեչինը պահանջում է հերքել այն նյութերը, որոնցում իրեն անվանել են «Ռուսաստանի ամենաթանկ թոփ-մենեջեր», և որոնցում ասվում է, թե «Ռոսնեֆտ»-ի բաժնետոմսերը գնելիս ինքը վարկ է վերցրել «Գազպրոմբանկից»:
«Կոմսոմոլսկայա պրավդա»-ն արդեն նյութերը հանել է կայքից: Forbes-ի ներկայացուցիչներն առայժմ չեն մեկնաբանում:
