Թուրքական Hürriyet թերթի փոխանցմամբ` Կատարից վերադարձող Թուրքիայի արտգործնախարար Ահմեդ Դավութօղլուն լրագրողների հետ զրույցում հայտարարել է, որ առաջիկա օրերին մեկնելու է Ջիբութի, ուր տեղի է ունենալու Իսլամական համագործակցության կազմակերպության (ԻՀԿ) գագաթնաժողովը:
Դավութօղլուն հայտարարել է, որ, Ջիբութիից բացի, այցելելու է նաև տվյալ տարածաշրջանում գտնվող երկրներ՝ Էրիթրեա, Սոմալի և Եթովպիա: Դավութօղլուն ընդգծել է, որ ցանկանում է միջնորդական առաքելությամբ հանդես գալ Էրիթրեայի ու Եթովպիայի միջև, որոնք որոշակի խնդիրներ ունեն միմյանց հետ:
Բացի այդ, Դավութօղլուն նոյեմբերի 23-ին այցելելու է Հարավային Սուդան, որն իր հերթին խնդիրներ ունի Սուդանի հետ: Դավութօղլուն այստեղ նույնպես պատրաստվում է հանդես գալ միջնորդական առաքելությամբ:
