Грузия Online-ի փոխանցմամբ`Վրաստանի եվրոպական ու եվրատլանտյան ինտեգրման հարցերով պետնախարար Ալեքսի Պետրիաշվիլին լրագրողների հետ զրույցում հայտարարել է, որ ՆԱՏՕ-ի ռազմական կոմիտեի վրացական այցի հետաձգումը կապված է եղել Վրաստանի զինված ուժերի միացյալ շտաբի պետի պաշտոնի թափուր լինելու հետ:
Նա հավելել է, որ այցի հետաձգումը բացասաբար չի անդրադառնա Վրաստանի ու ՆԱՏՕ-ի փոխհարաբերությունների վրա. «Բնականաբար, ստեղծված իրավիճակը ժամանակավոր է, քանի դեռ պայմանավորվածություն ձեռք չի բերվել կառավարության ու նրա միջև, ումից կախված է միացյալ շտաբի պետի նշանակումը:
Հուսով եմ, որ այդ համաձայնությունը կկայանա և կընդունվի փոխզիջումային որոշում: Դրանից հետո էլ տեղի կունենա ՆԱՏՕ-ի ռազմական կոմիտեի այցը: Վրաստանի ու ՆԱՏՕ-ի հարաբերությունները զարգանում են այնպիսի ինտենսիվությամբ, որ մեկ կոնկրետ փաստը կամ թյուրիմացությունը չի կարող բացասաբար ազդել դրանց վրա: ՆԱՏՕ-ի ղեկավարության հետ ակտիվ բանակցություններ են վարվում հաջորդ տարվա ազգային պլանի մշակման շուրջ»:
