Իսպանիայի խոշորագույն Iberia ավիաընկերությունը կկրճատի 4.5 հազար աշխատատեղ սնանկացումից փրկվելու համար, հաղորդում է Lenta.ru-ն:
Iberia ավիաընկերության գործադիր տնօրեն Ռաֆայել Սանչես-Լոզանոյի խոսքերով՝ ներկա պահին ավիաընկերությունը պայքարում է հանուն գոյատևման: Նա նշել է, որ ընկերությունը շահույթ չունի ոչ մի ուղղությունից:
Iberia-ի ղեկավարը հայտարարել է, որ Եվրոպայի ճգնաժամը բացասական ազդեցություն է ունեցել փոխադրողի ֆինանսական դրության վրա, սակայն ընկերության բարդությունները համակարգային բնույթ ունեն: Նրա խոսքերով՝ կրճատումները հիմք կստեղծեն հետագա վերելքի համար:
Նշենք, որ ներկա պահին Iberia ավիաընկերությունն ունի ավելի քան 15 հազար աշխատակից:
