Շուկայում արագ սննդի առաջնորդներից մեկը՝ McDonald’s ցանցը, վերջին ինը տարիների ընթացքում առաջին անգամ հայտարարել է վաճառքի ծավալների նվազման մասին: Հոկտեմբերին ընկերության եկամուտը կրճատվել է 2%-ով,- հաղորդում է Daily Telegraph-ը:
Եվրոպայում ցանցի վաճառքները նվազել են 2.2%-ով, Ասիայում, Աֆրիկայում, Մերձավոր Արևելքում՝ 2.4%-ով: McDonald’s-ի ղեկավարությանն ավելի անհանգստացնում է ԱՄՆ-ում վաճառքի հետ կապված իրավիճակը, որը ցանցի հիմնական շուկան է: Նախորդ ամիս ԱՄՆ-ում եկամուտը կրճատվել է 2.2%-ով, ինչը երկու անգամ ավելի է ընկերության կանխատեսումներից:
McDonald’s-ի նախագահ Դոնալդ Թոմփսոնը ընկերության եկմուտների նվազումը մեկնաբանել է անկայուն տնտեսական իրավիճակով և արագ սննդի ցանցում մրցակցության բարձրացմամբ:
Սակայն McDonald’s-ի մրցակիցները կարողացել են բարելավել իրենց ֆինանսական վիճակը նույնիսկ անկայուն տնտեսական պայմաններում: Եկամտի աճի ամենաբարձր ցուցանիշ գրանցել է Wendy’s արագ սննդի ցանցը, որի վաճառքն աճել է 2.7%-ով: