Մոտ 500 եվրոպացի չինովնիկներ այսօր գործադուլ են հայտարարել՝ բողոքելով ԵՄ բյուջեի կրճատման դեմ։ Այս կրճատումը պահանջում են ԵՄ առաջատար պետությունները: Մի քանի հարյուր չինովնիկներ նստացույց են անցկացրել Եվրահանձնաժողովի շենքի մոտ՝ պահանջելով մեծացնել ԵՄ բյուջեն և կասեցնել աշխատավարձերի հավանական նվազեցումը։
«ԵՄ երկրները պետք է քաջություն ունենան՝ ասելու, որ ԵՄ բյուջեի կրճատումն իրենց համար ավելի թանկ կարժենա, քանի որ այն կնշանակի միասնական Եվրոպայի թուլացում»,- հայտարարել են ակցիայի մասնակիցները:
Այս բողոքի ակցիան տեղի կունենա նոյեմբերի 22-23-ը կայանալիք ԵՄ համագումարի նախօրեին, որի ընթացքում 27 երկրների ղեկավարները կքննարկեն ԵՄ նոր բյուջեի կազմավորման սկզբունքները:
Առաջատար երկրները կտրականապես դեմ են ԵՄ բյուջեն ընդլայնելու Եվրահանձնաժողովի ծրագրին։ Նրանք պահանջում են, որ «Բրյուսելը չափավորի իր ախորժակը»:
