«Առավոտ»-ը գրում է. «Անկախ Հայաստանի մայրաքաղաք Երևանի ավագանու մեծամասնությունը շարունակում զբաղվել ստալինիզմի ռեաբիլիտացիայով, ինչից կարելի է ենթադրել, որ Միկոյանի արձան դնելու գաղափարը մտքի պատահական շեղում չէ` դա իշխանության մտածված ռազմավարության դրսևորումն է` հավանաբար, թելադրված «մաքսային հովերով»:
Ավագանու անդամ, ռեժիսոր Արա Երնջակյանը (ՀՀԿ), որը մինչ այս, համենայնդեպս, իր ստեղծագործության մեջ տոտալիտարիզմի նկատմամբ համակրանք չէր դրսևորում, հիմա դրական տարրեր է տեսնում ստալինյան բռնապետության մեջ: Այստեղ, պետք է ընդունել, կա որոշակի տրամաբանություն` Միկոյանին արդարացնելու համար անհրաժեշտ է արդարացնել նաև Ստալինին:
Բայց ամենացավալին դա չէ: Ավելի ցավալի է մի մեկնաբանություն, որը քննարկման ժամանակ գրել է մի երիտասարդ` ըստ երևութին, ընդդիմադիր հայացքներ ունեցող: Ըստ նրա, եթե Ստալինը ավելի շատ մարդ գնդակահարեր, Հայաստան երկիրն այս օրի չէր լինի: Այսինքն` կարգուկանոնը, կոռուպցիայի բացակայությունը, իշխանավորների լեգիտիմությունը պայմանավորված է նախկինում` Ստալինի ժամանակ գնդակահարված մարդկանց քանակով: Որքան շատ գնդահարվեին, այնքան մեծ կլիներ հիմա հանցագործ տարրերի վախը:
Դա ոչ միայն տվյալ երիտասարդի, այլև, ենթադրում եմ, նաև նրա ծնողների և պապերի տեսակետն է: Իբր օրինականությունը պետք է հաստատվի «երկաթե բռունցքի» վախից:
Մանրամասները՝ թերթի այսօրվա համարում
Լուսանկարը՝ Bravo.am-ի
