Թաուեր Հեմլեթսի (Իսթ Էնդի շրջան) խորհուրդը, չնայած բրիտանական արվեստի գործիչների բողոքներին, որոշում է կայացրել վաճառել իրեն պատկանող Հենրի Մուրի 1957թ. «Դրապե զգեստով նստած կինը» քանդակը:
Ինչպես հայտնում է BBC News-ը, տեղական իշխանությունները հայտարարել են, որ ցավում են պարտադրված որոշման համար, սակայն չեն պատրաստվում դրանից հրաժարվել:
The Guardian-ի փոխանցմամբ` շրջանի ղեկավար Լուտֆուր Ռամանը հայտարարել է, որ քանդակը կվաճառեն բյուջեի զգալի կրճատումների պատճառով, որը թույլ չի տալիս հոգալ արտ-օբյեկտի մասին` ինչպես հարկն է:
Բացի այդ՝ Ռամանը հայտարարել է, որ իշխանությունները պետք է պատասխանատու լինեն շրջանի բնակիչների առաջ, որոնք չեն կարող տառապել այն պատճառով, որ մոտակա 3 տարիներին բյուջեն կկորցնի շուրջ 100 մլն ֆունտ-սթերլինգ:
32 մլն դոլար արժողությամբ արվեստի գործի վաճառքի դեմ հանդես են եկել մասնավորապես ռեժիսոր Դեննի Բոյլն ու թանգարանի տնօրեն Թեյթ Նիքոլաս Սերոտան:
Թերթի տվյալով՝ կազմվել է դիմում՝ խնդրելով այլ վայր որոնել քանդակի համար: Այն ստորագրել է շուրջ 1500 մարդ:
Իշխանությունների գործողությունների հակառակորդները ուշադրություն են հրավիրում այն հանգամանքի վրա, որ Մուրը ցանկացել է իր աշխատանքը ցուցադրվի հանրային տարածքում, որպեսզի այն ավելի շատ թվով մարդիկ տեսնեն:
Քանդակը պատրաստված է բրոնզից, կշռում է կես տոննա ու ցուցադրված էր Ստեպնի թաղամասում` 1962-ից մինչև 1997 թվականը:
Այնտեղ արձանը մեկ անգամ չէ, որ ենթարկվել է վանդալների հարձակմանը, ինչի արդյունքում այն տեղափոխվեց Յորքշիրի քանդակների այգի:
