Շվեդիայի իշխանությունները մտադիր են արգելել մանկական սննդի փաթեթների վրա երեխաների լուսանկարների կիրառումը, որպեսզի մայրերը շահագրգռվեն և կրծքով կերակրեն երեխաներին,- հաղորդում է The Local թերթը:
Շվեդիայի գյուղատնտեսության նախարարության կողմից պատրաստվող օրենքի համաձայն՝ մանկական սննդի գովազդներ հրապարակվելու են միայն երեխաների խնամքի մեջ մասնագիտացված գիտական ամսագրերում: Օրենքն արգելում է նաև մանկական սննդի փաթեթի վրա հրապարակել մանկական լուսանկար:
Բացի այդ, իշխանությունները մտադիր են «խիստ կերպով արգելել» իջեցված գներով չոր կաթի վաճառքը և անվճար նմուշներ տրամադրելը:
Օրենքը ենթադրում է, որ ծնողները չպետք է երեխաներին չոր կաթ տան՝ առանց համապատասխան որակավորում ունեցող անձի առաջարկի:
