Այսօր` նոյեմբերի 8-ին, «Մոսկվա» կինոթատրոնում տեղի կունենա «ՌեԱնիմանիա» անիմացիոն կինոփառատոնի փակման արարողությունը, որի ժամանակ կհայտարարվեն հաղթողների անունները։
Ժամը 18:00-ին կցուցադրվի «Կնճիռները» անիմացիոն ֆիլմի պրեմիերան, որի ռեժիսորն է Իգնասիո Ֆերերասը (Իսպանիա, 2011, 89 րոպե):
Պակո Ռոկոյի համանուն կոմիքսի հիման վրա (2008, ազգային կոմիկական մրցանակ) «Կնճիռները» 2D անիմացիոն լիամետրաժ ֆիլմ է չափահաս հանդիսատեսի համար: Այն Էմիլիոյի և Միգելի ընկերության մասին է` երկու հասուն տղամարդկանց պատմությունն է ծերանոցում:
