Ուկրաինայի նախագհի թեկնածու, միլիարդատեր Պյոտր Պորոշենկոն չի մասնակցի այսօր «Շուստեր LIVE» ծրագրին, որտեղ նախկին վարչապետ Յուլյա Տիմոշենկոն նրան դեբատների է հրավիրել: Այս մասին հայտնել է Պորոշենկոյի մամլո ծառայությունը՝ փոխանցում է RIA Novosti-ն:
Ուկրաինայում նախագահական ընտությունները տեղի կունենան մայիսի 25-ին: Համաձայն վերջին սոցհարցումների՝ Պորոշենկոյին պատրաստ է աջակցել հարցվածների 44.6 տոկոսը, իսկ Տիմոշենկոյին՝ 8.4 տոկոսը:
Ավելի վաղ, ինչպես հայտնել էին ԶԼՄ-ները, Պորոշենկոն պատրաստակամություն էր հայտնել մասնակցելու դեբատներին, սակայն հրաժարվել է մասնակցել հեռուստաշոուի: Տիմոշենկոյի շտաբն ուրբաթ կրկին դիմել էր Պորոշենկոյին՝ դեբատների անցկացման համար քարոզչության վերջին օրվանից օգտվելու կոչով:
Հաղորդագրությունում նշվում է, որ Պորոշենկոն չի մասնակցի հաղորդմանը հանդիպումների խիտ գրաֆիկի պատճառով:
