Եթե Ադրբեջանի պետք է Ղարաբաղի հարցը զենքով լուծի, ուրեմն պետք է դա փորձի անել 2013-2014 թթ.: Այսօր լրագրողների հետ հանդիպման ժամանակ այս մասին ասաց«Մոդուս Վիվենդի» կենտրոնի ղեկավար Արա Պապյանը՝ խոսելով աշխարհաքաղաքական զարգացումների մասին:
Նա նշեց, որ հայ-թուրքական հարաբերությունները խիստ կարևոր են ոչ միայն Հայաստանի, այլև Միջին Արևելքի երկրներիհամար, ուստի այս հարաբերությունները միայն երկկողմ չեն կարող դիտարկվել: Բանախոսի խոսքերով,ուժային կենտրոնները՝ԱՄՆ-ն և ՌԴ-ն,իրենց դերակատարությունն ունեն, ավելին` Օբամայի վերընտրությունն իր անդրադարձը կունենա հայ-թուրքական հարաբերությունների վրա։ 2015 թ. ընդառաջ՝ փորձ կարվի նորից մեջտեղ բերել հայ-թուրքական հարաբերությունները:
«Ես կողմ եմ հարաբերությունների զարգացմանը, բայց չվավերացված արձանագրությունների հիման վրա հարաբերություններ շարունակելուն դեմ եմ:Դրանք մեր շահերը չեն ապահովելու, մեր տվածն ավելի շատ է լինելու այդ արձանագրությունների վավերացմամբ, քան ստացածը: ՀՀ-ն պետք է կարողանա,օգտվելով ավելի հայանպաստ մթնոլորտից, մի շարք հարցեր բարձրացնի:
Հայաստանի շրջափակումը հանցանք է միջազգային իրավունքի տեսանկյունից: Դա լավություն չէ մեզ, որը Թուրքիան ուզում է անել: Հստակ կան միջազգային փաստաթղթեր, որոնց հիման վրա Թուրքիան դա պետք էանի»,- մեկնաբանեց Արա Պապյանը:
Խոսելով Միջին Արևելքում ծավալվող գործընթացներից՝ նա ասաց, որ այն գտնվում է կառավարելի քաոսի փուլում, իսկ այդ տարածաշրջանում տեղի ունեցող փոփոխությունները վաղ էր նախանշվել ԱՄՆ քաղաքական մտքի կողմից: Ըստ նրա՝դա նշանակումէ, որ առաջիկայում պետք է անցնեն ավելի լուրջ փոփոխությունների:
«Կարծում եմ, որ մեզ համար առաջիկա հինգ տարիներին մեծ հնարավորություններ կարող են բացվել,բայց, միևնույն ժամանակ, դա կարող է լինել մեզ համար մեծ կորուստների ժամանակաշրջան: Այն ժամանակահատվածը, որ ՀՀ-ն այլոց քաղաքականությունն էր իրականացնում,մոտենում է իր ավարտին:
Գալիք 2013-2014 թթ. ամենալարվածը կլինի հայ-ադրբեջանական հարաբերությունների առումով, որովհետև իր հնարավորությունների վերջին շրջանին կմոտենա»,- մեկնաբանեց Արա Պապյանը՝ պարզաբանելով, որադրբեջանական նավթի արդյունահանումը կրճատվում է, հետևաբար՝ հիմնական ֆինանսական առավելությունը Հայաստանի նկատմամբ աստիճանաբար կմարի, եթե Ադրբեջանի պետք է Ղարաբաղի հարցը զենքով լուծի, ուրեմն պետքէ փորձի այդ շրջանում, թեև դա ևս նպաստավոր շրջան չէ Ադրբեջանի համար, քանի որ 2015-ին ընդառաջ հայանպաստ մամուլ կլինի: Նրա համոզմամբ՝ այդ շրջանում Ադրբեջանի կողմից Ղարաբաղի ճակատով պատերազմը կդիտարկվի փորձ, եթե ոչ ցեղասպանության,ապա ազգային էթնիկ զտման:
Արա Պապյանն ասաց, որ այս հարցով իրառաջարկն է եղելսկսելակտիվացնել հարաբերությունը տարածաշրջանի պետականազուրկ ժողովուրդների հետ:
«Հետաքրքիր իրավիճակ կա:Հայաստանը սահմանակից էչորս պետության հետ, որոնցից երկուսի հետ հարաբերություններ չունենք, Իրանի հետ լավ են հարաբերությունները, բայց Իրանը խնդիրներ ունի, իսկ Վրաստանը երկակի դեր ունի՝ անընդհատ անհասկանալի ներքին փոփոխություններով։Բայց, բացի սահմանակից պետություններից,մեր շրջապատում կան ազգային-էթնիկ խմբեր, որոնք մեծ են թվաքանակով՝ քրդեր, զազաներ, թալիշներ, ավարներ,լեզգիներ:
Այն փոքրամասնությունները, որոնք հաստատված են Ադրբեջանում,նույն հալածյալ վիճակում են, ինչպես ժամանակին Ադրբեջանում հայերը: Մեր կարծիքով,հնարավորություններից մեկն այդ ժողովուրդների հետ հարաբերությունների զարգացումն է: Այսօր իրենք հասկացել են, որ իրենց շահերից չի բխում հայերի դեմ կռվելը»,- ասաց Արա Պապյանը՝ հավելելով, որ սակմեղմի Ադրբեջանի ռազմատենչ դիրքորոշումը, և այդ գիտակցությունը կարող է այնքան բարձրանալ, որ իրենք պահանջեն իրենց ինքնավարությունն ու ինքնորոշումը:
Անդրադառնալով Սիրիայում տեղի ունեցող գործընթացներին՝ նա ասաց, որ Բաշար Ալ-Ասադի վարչախումբը երկիրը չի կարող հանգստացնել, քանի որ զինյալ ապստամբները ֆինանսական օգնություն են ստանում դրսից:«Ստեղծված իրավիճակը շարունակվելու է, բայց լավ է, որ դա չի բերի մեծ հեղաշրջումների:Չեմ կարծում նաև, թե Թուրքիան մուտք կգործի Սիրիա:Իսկ Սիրիայում հայերի վիճակն այնպես է, ինչպես ամենուր՝ հայերը տուժում են: Մենք պետք է կառուցենք այնպիսի երկիր, որը գրավիչկլինի աշխարհի բոլոր հայերի համար»,- եզրափակեց իր խոսքն Արա Պապյանը:
