Գիսաստղերի միջազգային հետազոտման սարքը NASA-ն պաշտոնապես փոխանցել է մասնավոր ընկերության՝ ասվում է նրա կայքում:
Խոսքը ISEE-3՝ International Sun-Earth Explorer 3 («Արեգակի և Երկրի միջազգային հետազոտող) ապարատի մասին է, որն արձակվել է 36 տարի առաջ և 1997 թվականից ոչ մի կերպ չի գործածվել:
Ավելի վաղ հաղորդվում էր, որ քրաուդֆանդինգ նախագիծը պատմության մեջ առաջին անգամ գումար է հավաքել՝ միջմոլորակային տարածքը հետազոտող NASA-ի հին զոնդը վերականգնելու համար:
Այժմ այն պաշտոնապես փոխանցվել է Skycorp, Inc ընկերությանը, որի կենտրոնը Կալիֆոռնիայում է: Կողմերն այդ համաձայնությունը ստորագրել են անհատույց հիմքով:
Այսպիսով՝ պատմության մեջ առաջին անգամ մասնավոր ընկերությունը կփորձի կենդանացնել, իսկ հետո օգտագործել NASA-ին պատկանող սարքը: NASA-ում նշում են, որ նման համաձայնություններ այլևս երբեք չեն ստորագրվի:
Ենթադրվում է, որ սարքը կենդանացնելու փորձը կկատարվի առաջիկա շաբաթվա ընթացքում: