Նյու Յորքի իշխանությունները ձերբակալել են ավելի քան 70 մարդու՝ մանկական պոռնոգրաֆիայի տարածման մեղադրանքով:
Ձերբակալվածների թվում են, մասնավորապես, ոստիկան, բժիշկ, րաբբի և բոյսկաուտների տեղի կազմակերպության կազմակերպիչներից մեկը: Ընդհանուր առմամբ ձերբակալվել են 70 տղամարդ և 1 կին:
Քաղաքային իշխանությունների ներկայացուցիչների խոսքով՝ ավելի քան 1 ամիս տևած հետաքննության շրջանակում առգրավվել են մոտ 600 համակարգիչ, պլանշետ, սմարթֆոն և այլ էլեկտրոնային սարքեր, որոնք պարունակել են 175 տերաբայթ արգելված լուսանկարներ: Ոստիկանությունում չեն բացառել գործով լրացուցիչ ձերբակալությունները:
Քաղաքային իշխանություններն ընդգծում են, որ մեղադրյալները ներգրավված չեն եղել երեխաների սեռական շահագործման մեջ:
