ԱՄՆ գիտնականների խումբը հայտնաբերել է KL գենի տարբերակ, որը կապված է մարդու ինտելեկտի մակարդակի էականորեն բարձրացման հետ: Իրենց հետազոտությունը գիտնականները հրապարակել են Cell Reports ամսագրում:
Գենետիկները հետազոտել են KL գենի KL-VS տարբերակը և պարզել, որ այն ինտելեկտի մակարդակը բարձրացնում է IQ-ի մոտ 6 կետով ՝ անկախ տարիքից: Ընդհանուր առմամբ, սպիտակամորթ ամերիկացիների պոպուլյացիայում KL գենում փոփոխություններին բաժին է ընկնում IQ-ի 3%-ը: Նախորդ ռեկորդակիրները HMGA2 և NPTN գեներն էին՝ փոփոխությունների կես տոկոսը: Ավելի վաղ հետազոտողները հայտնաբերել էին, որ KL-VS-ի առկայությունը նպաստում է ըստ պոպուլյացիայի սրտի տարիքային հիվանդությունների միջին հաշվով նվազելուն և մեծացնում է կյանքի տևողությունը:
Գիտնականներն ուսումնասիրել են 52-85 տարեկան 220 կամավորի: Հետազոտողներին հետաքրքրել են մարդկանց հիշողությունը, ուշադրությունը, տարածական-ձայնային կողմնորոշումը և խոսքային ունակությունները: Այդ տվյալներով գիտնականներն ընդհանրացված ցուցանիշ են դուրս բերել, որը բնութագրում է մարդու ճանաչողական ունակությունների մակարդակը: Հետո գենետիկներն իրենց հետազոտությունների արդյունքները միավորել են 2 ուրիշ աշխատանքների եզրակացությունների հետ՝ ընտրելով 718 մարդու, որոնց մեկ հինգերորդ մասը KL-VS գենի տարբերակ է ունեցել:
Գիտնականների խոսքով՝ ճանաչողական թեստերն ուղղակիորեն չեն չափում մարդու ընդհանուր ինտելեկտի մակարդակը, սակայն IQ թեստերի արդյունքների ճիշտ վերլուծությունը հնարավորություն է տալիս դա ստանալ շատ մոտ թվով:
Իրենց հետազոտությունը գենետիկները կրկնել են մկների վրա՝ ուսումնասիրելով կրծողների պոպուլյացիաներում KL-VS-ի նմանակներով առանձնյակներին: Գիտնականները KL-VS գենի նմանակներով մկների շրջանում հայտնաբերել են լավագույն սինապտիկ ճկունություն և նյարդային համակարգի աշխատանքի ընդհանուր կազմակերպվածություն, նաև պոպուլյացիայի համար միջինում բարձր հիշողության և ճանաչողության ցուցանիշ: Այդպիսի ունակությունները, ըստ գիտնականների, առնչություն չունեն մկների տարիքի հետ:
Գիտնականների խոսքով՝ իրենք հայտնաբերել են մարդու ինտելեկտի մակարդակի պաթոլոգիական կարգավորման ամենակարևոր գենետիկ գործոնը: Նրանք ծրագրում են հետագայում դեղամիջոցներ ստեղծել, որոնք կխթանեն մարդու KL-VS գենի առկայության ազդեցությունը:
