CNN Türk-ի փոխանցմամբ՝ հաջորդ շաբաթ աշխարհի բանակների հայացքը շրջվելու է Ադափազարի կողմը: Դրա պատճառն այն է, որ Թուրքիան ներկայացնելու է սեփական արտադրության Altay տանկը, որն արդեն իսկ հաջողությամբ անցել է բոլոր փորձարկումները:
Թուրքական տանկը հասարակությանը կներկայացվի նոյեմբերի 15-ին: Այդ արարողությանը մասնակցելու է Թուրքիայի վարչապետ Ռեջեփ Էրդողանը: Altay տանկը ստեղծվել է կորեական Hyundai Rotem K2 տիպի տանկի բազայի վրա: Altay տանկի քաշը կազմելու է մոտ 60 տոննա:
Այն ունի 120 միլիմետր տրամաչափի հարթ փողով հրանոթ և 12,7 միլիմետր տրամաչափի գնդացիր: Տանկը կարողանալու է զարգացնել մինչև 70 կմ/ժամ արագություն: Նախնական տվյալներով՝ թուրքական նոր տանկի ինքնարժեքը կազմել է մոտ 5,5 միլիոն դոլար:
