Գրականության Նոբելյան թուրք մրցանակակիր Օրհան Փամուկի հիմնած Ստամբուլի «Անմեղության թանգարանը» դարձել է 2014 թվականի Եվրոպական թանգարան՝ հայտնում է Deutche Welle-ն:
Այդ որոշումը կայացվել է Տալլինում կայացած Եվրոպական թանգարանային ֆորումի ժյուրիի հանդիպման արդյունքներով: Կոչմանը հավակնում էին ավելի քան 30 թանգարաններ:
«Անմեղության թանգարանը» բացվել էր 2012 թվականին: 2008-ին Փամուկն այդ անվան ներքո հրապարակել էր Masumiyet Müzesi վեպը, որում սիրո պատմությունը հանգեցնում էր թանգարանի ստեղծման:
Թանգարանի ցուցադրության հիմքը կազմում են անցած դարի 70-80-ականների կենցաղային իրերն ու անձնական իրերը, որոնք հեղինակը հավաքել է Թուրքիայում՝ աշխատելով իր ստեղծագործության վրա:
