Ուկրաինացիների միայն 4,9%-ն է ցանկանում, որպեսզի Վիկտոր Յանուկովիչը վերադառնա նախագահական պաշտոնին: Այսպիսին են ուկրաինական Ռազմուկովի կենտրոնի սոցիոլոգիական ծառայության անցկացրած հարցման արդյունքները, գրում է BBC-ն:
Ընդ որում, իշխանությանը Յանուկովիչի վերադարձին դեմ են հանդես գալիս ուկրաինացիների 90%-ը:
Հարցման տվյալներով, 51%-ը երկրի գործող ղեկավար են համարում նախագահի ժամանակավոր պաշտոնակատար Ալեքսանդր Տուրչինովին, 5,6% -ը՝ Յանուկովիչին, 1,8%-ը՝ միաժամանակ երկուսին, 37%-ը՝ նրանցից ոչ մեկին:
Տուրչինովի գործողությունները մասամբ կամ ամբողջությամբ հավանության են արժանացնում ուկրաինացիների 52%-ից ավելին, իսկ վարչապետ Արսենի Յացենյուկին աջակցում են ուկրաինացիների ավելի քան 56%-ը:
Հարցումը կատարվել է ապրիլի 25-29-ը: Հարցմանը մասնակցել են Ղրիմից բացի Ուկրաինայի բոլոր մարզերի 18 տարեկանից բարձր 2012 մասնակիցներ:
