31-ամյա դերասանուհի, ռեժիսոր, սցենարիստ և պրոդյուսեր Լյուպիտա Նիոնգոն People ամսագրի կողմից աշխարհի ամենագեղեցիկ կինն է ճանաչվել: Սակայն աշխարհի ամենագրավիչ կնոջ անձնական կյանքը ոչ մի կերպ չի դասավորվում, գրում է eg.ru-ն:
«12 տարվա ստրկություն» պատմական դրամայում խաղացած երկրորդ պլանի դերի համար Լյուպիտա Նիոնգոն «Օսկարի» է արժանացել: Եվ ահա նոր հաջողություն. People ամսագիրը նրան 2014 թ. աշխարհի ամենագեղեցիկ կինն է անվանել: Նա գերազանցել է Գվինեթ Փելթրոուին, Էմբեր Հերդին, Ջենիֆեր Լոուրենսին, Սթեյսի Քեբլերին: Հետաքրքիր է, որ երիտասարդ տարիքում Լյուպիտան մաշկի հետ կապված այնպիսի խնդիրներ է ունեցել, որ նրա մայրը ստիպված է եղել հրաշք խոտի համար Մադագասկար գնալ:
«Խոտը ահավոր հոտ ուներ, բայց քիչ էր օգնում»,- հիշում է Լյուպիտան:
Նա ծնվել է քենիական կառավարության նախկին նախարարի ընտանիքում, սովորել է Յելի համալսարանում և աղմկոտ կապեր երբեք չի ունեցել: Ամբողջ խնդիրն այն է, որ աղջիկն արդեն 30-ն անց է, բայց փեսացու չունի: Օսկարի մեկ այլ դափնեկրի՝ 42-ամյա Ջարեդ Լետոյի հետ սիրավեպը գովազդի համար էր, իսկ կանադացի ռեփեր K’naan-ի հետ հարաբերությունները այդպես էլ լուրջ ընթացք չեն ստանում:
