Սավա գետում կտրուկ բարձրացած ջրի մակարդակը կարող է խախտել Սերբիայի խոշորագույն «Նիկոլա Տեսլա» հիդրոէլեկտրակայանի աշխատանքը, որը էլեկտրականությամբ է ապահովում երկրի մեծ մասը, հաղորդում է BBC-ն։
Անձրևը Սերբիայի մայրաքաղաք Բելգրադում վերջապես դադարել է, սակայն լուրջ մտահոգություններ կան, որ Սավա կհորդա հեղեղաջրերի ալիքը Բոսնիայից և Խորվաթիայից։
«Մենք անում ենք այն ամենը, ինչ մեր ուժը ներում է»,- ասել է Սերբիայի վարչապետ Ալեքսանդր Վուչիչը։
Բալկաններում ուժեղագույն ջրհեղեղներից մեկն արդեն խլել է առնվազն 44 մարդու կյանք և տասնյակ հազարավոր բնակիչների ստիպել է լքել իրենց տները։ Մի քանի օրում տարածաշրջանում տեղացել է տեղումների եռամսյա նորման, ինչի հետևանքով գետերը դուրս են եկել հուներից։
Բոսնիայում շատ տներ թաղվել են սողանքների տակ, տարածքի համարյա մեկ երրորդը ջրի տակ է։ Ջրհեղեղներից տուժել է նաև Խորվաթիան։ Զոհվածների թիվը, ըստ կանխատեսումների, կարող է մեծանալ։
