General Motors-ը՝ ամերիկյան խոշորագույն կոնցեռնը, ստացել է 11 մլրդ դոլարի նոր վարկային գիծ` հաղորդում է Associated Press-ը:
Վարկերը ստացվել են 14 պետությունների 35 ֆինանսական ինստիտուտների կողմից:
Վարկային գիծը ներառում է 5,5 մլրդանոց վարկ` 3 տարի ժամկետով, ու ևս նույնքան գումար՝ 5 տարի ժամկետով:
Նրանք կփոխարինեն գոյություն ունեցող 5 միլիարդանոց վարկը, որի ժամկետը լրանում է 2015թ.:
Ընկերության ֆինանսական տնօրեն Դեն Ամանը հայտարարել է, որ General Motors-ը վարկը կօգտագործի լիկվիդայնության ապահովման համար:
Անցած շաբաթ ընկերությունը հայտնել է, որ երրորդ եռամսյակը ավարտել է 31,6 մլրդ դոլար կանխիկ գումարով:
Հիշեցնենք, որ ավելի վաղ General Motors-ը հերքել էր իր՝ վնաս կրող եվրոպական Opel ստորաբաժանումը իտալական Fiat-ին վաճառելու բոլոր լուրերը՝ հաստատելով ֆրանսիական Peugeot-ի հետ գործընկերային հարաբերություններ հաստատելու մտադրությունը:
General Motors-ը ամերիկյան խոշորագույն մեքենաշինական կորպորացիա է, որը իր արտադրանքը վաճառում է աշխարհի 35 երկրում:
