Իտալիայի հարյուրավոր պետական թանգարաններ կմասնակցեն «Թանգարանների գիշեր» միջազգային ակցիային՝ հայտնում է ITAR-TASS-ը:
Իտալիայի Հանրապետության մշակութային ժառանգության, մշակութային գործունեության և զբոսաշրջության նախարարության հաղորդմամբ՝ շաբաթ օրը ամբողջ երկրում մինչև կեսգիշեր բաց կլինեն թանգարանների, ամրոցների, պալատների և հնագիտական հուշարձանների դռները:
Հռոմում ակցիային տասնյակ թանգարաններ են մասնակցում, որոնց թվում՝ Կապիտոլիումի թանգարանը, Տրոյայի ֆորումի և շուկաների թանգարանը, ժամանակակից արվեստի, Ara Pacis թանգարանները, Իտալիայում հիմա գործող գխավոր ցուցահանդեսները՝ «Օրսե թանգարանի հավաքածուից», «Ֆրիդա Կալոն» և այլն: Մինչև կեսգիշեր բաց կլինեն հանրահայտ Հռոմեական ֆորումն ու Օգոստոսի ֆորումը, որտեղ 3 լուսային ներկայացումներ կցուցադրվեն: Շատ թանգարաններում և հրապարակներում ծրագրվում են համերգներ, թատերական ներկայացումներ, հանրային գրական ընթերցումներ:
Առաջիկա գիշեր թանգարան մուտքի արժեքը կլինի սիմվոլիկ 1 եվրո:
«Թանգարանների գիշեր» միջազգային ակցիան առաջին անգամ անցկացվել է 1997 թվականին Բեռլինում: Այս տարի դրան կմասնակցի ավելի քան 3000 թանգարանային օբյեկտ 40 երկրում:
