Արժույթի միջազգային հիմնադրամը (ԱՄՀ) նախազգուշացրել է Ֆրանսիային միջոցներ ձեռնարկել՝ երկրում տնտեսության անկումը կանխելու համար,- հաղորդում է Vesti-ն:
ԱՄՀ-ի կարծիքով՝ հարկերի աճը կհանգեցնի նրան, որ Ֆրանսիան այլևս գալթակղիչ վայր չի լինի աշխատանքի և ներդրումների համար և կիջեցնի իր մրցունակությունը:
«Ռիսկ կա, որ իրավիճակն ավելի կվատանա, եթե Ֆրանսիան արագ տեմպերով բարեփոխումներ չիրականացնի, ինչպես դա անում են Իսպանիան և Իտալիան»,- նշել են ԱՄՀ-ում:
Ֆրանսիացի գործարար Լուի Գալլուան ֆրանսիական տնտեսության մասին զեկույց է ներկայացրել, որում կոչ է արել «շոկային թերապիա» կիրառել տնտեսության անկումը կանգնեցնելու համար: Նա նշում է, որ անհրաժեշտ է առավելագույն կերպով կրճատել սոցիալական հարկերը՝ մրցունակությունը վերականգնելու և Եվրոպայի մյուս երկրներից հետ չմնալու համար:
Գալլուայի կարծիքով՝ բիզնեսի համար եկամտահարկերը պետք է կրճատվեն 30 միլիարդ եվրոյով,ինչը կփոխահատուցվի ավելի բարձր ԱԱՀ-ով և սպառողական այլ հարկերով:
Զեկույցում քննադատության են ենթարկվում Ֆրաասիայի նախագահ Ֆրանսուա Օլանդի ձեռնարկած քայլերը, որը հունիսին իջեցրեց ԱԱՀ-ը և բարձրացրեց հարկերն ընկերությունների համար:
