«Ժառանգության» առաջնորդ Րաֆֆի Հովհաննիսյանի` նախագահական ընտրությունների ժամանակ իր շուրջը համախմբվելու կոչին, որը նա արեց անցյալ ուրբաթ և կրկնեց երեկ, քաղաքական կուսակցությունները կարծես չեն պատրաստվում հետևել: Երեկ, երբ «Հայկական ժամանակ»-ի թղթակիցը փորձել է Աժ ընդդիմադիր ուժերից` Հայ ազգային կոնգրեսից և Դաշնակցությունից, ինչպես նաև այլընտրանք հռչակված ԲՀԿ-ից ճշտել, թե ինչպես են վերաբերվում «Ժառանգության» առաջնորդի կոչին, և հնարավո՞ր է նախագահական ընտրությունների ժամանակ համախմբվեն նրա շուրջը, դրական պատասխան չի ստացել: ՀՅԴ-ականներն ընդհանրապես չեն պատասխանել հարցին: Իսկ ահա, ըստ քաղաքական և ընտրական տեխնոլոգիաների փորձագետ Արմեն Բադալյանի, Րաֆֆի Հովհաննիսյանի` նախագահ դառնալու հնարավորությունը զրոյական է:
