Ֆրանսիայի նախագահ Ֆրանսուա Օլանդը կիրակի օրը աշխատանքային այցով ժամանել է Լիբանան: Ֆրանսիայի առաջնորդը հանդիպել է լիբանանյան իր կոլեգա Միշել Սուլեյմանի հետ, հանդիպման ընթացքում Օլանդը Լիբանանին գեներալ Ալ-Հասանի սպանության հետաքննության գործում իր օգնությունն է առաջարկել:
Ինչպես հաղորդում է France Press գործակալությունը, Օլանդի այցը դեպի Լիբանան Արևմուտքի կողմից լիբանանյան կառավարությանն աջակցելու նշան է:
Այն բանից հետո, երբ հոկտեմբերի 19-ին Լիբանանում սպանվել էր երկրի ՆԳՆ ղեկավար գեներալ Վասամ Ալ-Հասսանը, ընդդիմությունը պահանջում էր կառավարության հրաժարականը, որին կասկածում են Սիրիայի նախագահ Բաշար Ասադին սատարելու մեջ:
Սպանված գեներալի թաղումը հանգեցրել էր զանգվածային անհանգստությունների հակասիրիական շրջանակներում`մեծ մասամաբ սունի ընդդիմության շրջաններում: Կառավարության հակառակորդները Դամասկոսին կասկածում են Ալ-Հասանի սպանության մեջ:
Գործող իշխանությունը, լիբանանյան ընդդիմության կարծիքով, Սիրիայի նախագահ Բաշար Ասադին օգնություն է ցուցաբերում: Այդ սպանությանը` Սիրիական հատուկ ծառայությունների հնարավոր մասնակցության մասին հիշատակել էր նաև ֆրանսիական դիվանագիտության ղեկավար Լորան Ֆաբիուսը:
